Инсайттар

2022-09-01 07:48:18 Жаңа оқу жылы басталды. Елдегі 7697 мектеп жазғы демалыстан кейін оқушылармен қайта толықты. Биыл білім саласында жаңашылдық пен жаңалық өте көп.

Биыл елімізде 7637 мектеп жұмысын бастады. Жалпы 3,6 миллион оқушы бар. Десе де, оқу жылында өзгеріс көп-ақ. Соның бірі оқу жылының ұзақтығы. Енді жылдағыдай 25 мамырда соңғы қоңырау соғылмайды. 1 қыркүйекте басталған оқу жылы 31 мамырға дейін жалғасады. Осылайша оқушылар 36 апта оқиды.

Осы ұзақтыққа байланысты жаңа оқу жылындағы жұмыс форматы бес күндікке қысқарып отыр.

Сонымен қатар, биылғы тағы бір жаңашылдық, ол — оқу бағдарламасындағы өзгеріс. Яғни, жаңа оқу жылынан бастап мектеп табалдырығын аттаған 1-сынып оқушылары, енді бұрынғыдай 3 тілді бірден меңгермейді. Мемлекеттік тілде оқытатын 1-сыныптарда балалар тек қазақ тілін, орыс тілінде оқытатын сыныптарда мемлекеттік және орыс тілдерін үйрететіні туралы шешім қабылданды. Ал орыс тілі мен ағылшын тілі 2-3 сыныптан бастап оқу бағдарламасына енеді.

@janaarna Ашу / Түсініктеме

2022-08-31 14:20:35 Жеңіліп көрмеген бразилиялық боксшы Эскива Фалькао (30-0, 20 КО) орта салмақтағы қазақстандық чемпион Жәнібек Әлімханұлын (12-0, 8 КО) жекпе-жекке шақырды.

Фалька Twitter-дегі парақшасында отандасымызды титулынан айыру ниеті бар екенін жазған.

"Қазір сен нағыз чемпионсың, мен сенің белбеуіңді тартып аламын. Іске кірісейік, чемпион", — деді ол.

Бұған Жәнібек қарсы жауап берген. Ол чемпиондығы жоқ боксшыға уақыт бөлгісі келмейтінін айтты.

"Егер менімен төбелескіңіз келсе, алдымен чемпион болуыңыз керек. Біз содан кейін сөйлесеміз. Мені құрқол боксшылар қызықтырмайды. Сізді құрметтеймін, бірақ бокс әлемінде атыңыз жоқ! Мен Чарломен, Канеломен жекпе-жек өткізгім келеді!", -деп жазды Qazaqstyle.

Фото: exk.kz

@janaarna Ашу / Түсініктеме

2022-08-31 09:56:01 Оқу-ағарту министрі Асхат Аймағамбетов мектеп мұғалімдерінің біліктілік тестін тапсыруына байланысты қандай өзгерістер енгізілетінін айтты. Сөзіне сүйенсек, енді 30 жыл еңбек өтілі бар ұстаздар тесттен босатылады.

Министрдің айтуынша, бүгінде барлық педагог аттестацияның екі кезеңінен өтеді. Біріншісі біліктілік тесті, екіншісі портфолио, жетістіктерді бағалау. Осы сынаққа алдағы уақытта мынадай өзгерістер енгізілмек. Мұндай шешімді арнайы құрылған жұмыс тобы ұсынған.

Сонымен қатар, министр аттестация мерзімін 3 жылға дейін қысқартпай, 5 жылда бір рет, яғни сол күйінде қалдыру туралы шешім қабылданғанын жазды.

Фото: exk.kz

@janaarna Ашу / Түсініктеме

2022-08-31 07:27:44 “ҚазМұнайГаз” ҰК АҚ басқарма төрағасы Мағзұм Мырзағалиев пен Энергетика вице-министрі Әсет Мағауовқа дизель отынымен уақытылы қамтамасыз етпегені үшін қатаң сөгіс жарияланды.

Үкімет хабарламасына сәйкес, еліміздің барлық өңірін дизель отынымен үздіксіз қамтамасыз ету мәселесі бойынша Премьер-Министрдің бірінші орынбасары Роман Скляр бастаған Комиссия жұмыс істеп жатыр.

"Уақытында тиісті шаралар қабылдамағаны үшін "ҚазМұнайГаз" ҰК АҚ басқарма төрағасы М. Мырзағалиев пен энергетика вице-министрі А. Мағауовқа қатаң сөгіс жарияланды. Сонымен қатар тәртіптік жазалау шаралары қабылданып, Энергетика министрлігі мен ҚМГ компаниясының бірқатар жауапты қызметкерімен еңбек қатынастары бұзылды.

Бұл мәселе – Үкіметтің ерекше бақылауында, қыркүйек айының басында жағдай тұрақталады деп күтілуде", – делінген хабарламада.

Фото: stan.kz

@janaarna Ашу / Түсініктеме

2022-08-30 08:13:01 Ұлттық экономика министрі Әлібек Қуантыров Үкімет отырысында елдің 2023-2027 жылдарға арналған әлеуметтік-экономикалық даму болжамының жобасын таныстырды.

Министрдің сөзінше, 2023 жылы әлемдік экономиканың өсуі 3%-ға тең болады. Сыртқы және ішкі параметрлердің өзгеруіне байланысты Қазақстан экономикасын дамытудың 2023-2027 жылдарға арналған үш сценарийі әзірленген.

Айтуынша, оптимистік сценарий кезінде мұнайдың болжамды бағасы барреліне 110 доллар, АҚШ долларының бағамы 440 теңге деңгейінде анықталған. Экономиканың орташа жылдық өсуі 4,2 % деңгейінде болады деп болжанды.

Фото: stan.kz

@janaarna Ашу / Түсініктеме

2022-08-30 07:17:01 Құрметті қазақстандықтар!

Қазақстан Республикасының Конституция күнімен құттықтаймыз!

Негізгі Заңымыз – елдегі тұрақтылықтың, бейбітшілік пен келісімнің кепілі, мемлекетіміздің демократиялық дамуының мызғымас іргетасы! Азаматтық құқықтарымыз бен бостандықтарымызға кепілдік беретін ол – Конституция. Оның арқасында еліміз тұрақтылық, келісім мен өркендеу жолында дамуда.

Сіздерге келісім, тұрақтылық пен гүлдену, бастарыңыздан ашық аспан және жаңа жеңістерге ұмтылу тілейміз! Ашу / Түсініктеме

2022-08-29 10:06:01 Қазақстан үкіметі жеңілдетілген автонесие бағдарламасына қосымша қаражат бөлу мүмкіндігін қарастырып жатыр. Бұл жөнінде премьер-министрдің бірінші орынбасары Роман Скляр мәлімдеді.

Вице-премьер бағдарламаның сәтті жүзеге асырылып жатқанын атап өтті. Бұған дейінгі жобаның аясында 12 мыңнан астам несие берілген.

"Енді айналымдық негізде бірнеше есе көп бөлінеді. Қазір айналымдық негізде 188 млрд теңге бар", - деді Скляр үкімет дәлізінде.

"Мемлекет тарапынан қаржыландыру мүмкін болады. Егер мұндай мүмкіндік болса, біз әлбетте оны пайдаланамыз. Бірақ қазір мен оның уақыт дәл айта алмаймын. Қазір алдымызда басқа да көптеген міндеттер тұр", - деп түйіндеді Роман Скляр.

@janaarna Ашу / Түсініктеме

2022-08-28 08:35:18 Оқу-ағарту министрі Асхат Аймағамбетов еңбек өтілі 30 жыл болған ұстаздарды аттестациядан босатуға қатысты пікір білдірді.

Министр Qazaqstan ұлттық арнасына берген сұхбатында заңнамаға өзгеріс енгізіліп жатқанын айтты.

"30 жыл педагогикалық стажы бар мұғалім және 10 жыл еңбек өтілі бар ұстаз емтихан тапсырғанда, өз пәнін білуі бойынша үлкен айырмашылық жоқ екенін көрсетіп отыр", — деген еді ол.

Арада 3 айға жуық уақыт өткенде министрдің пікірі өзгерген тәрізді.

Фото: primeminister.kz

@janaarna Ашу / Түсініктеме

2022-08-27 13:45:01 Бейресми деректерге қарағанда, Қазақстанға қазірдің өзінде көрші елден 280 мың тоннадан астам астық заңсыз жолмен өткізілген. Бидай өндірушілер мен шаруалар контрабандаға тосқауыл қою керегін айтып, дабыл қағуда.

Қазақстанда егін ору науқаны енді ғана басталды. Ал ертерек қимылдаған ресейлік компаниялар өз бидайларын қазақстандық диірмендерге өткізу үшін барын салып жатыр. Олардың ұсынған бағалары төмен, тіпті қарызға да жұмыс істеуге дайын екен.

Сала өкілдерінің сөзінше, 1 қыркүйектен бастап Қазақстанға бидайды автокөлікпен кіргізуге тыйым салынбақшы екен. Бұл сәл де болса жағдайды реттеуге сеп болады деп күтілуде.

Одан бөлек, шекарадағы жағдайды қатаң бақылауға алу мәселесі көтеріліп жатыр. Қазірдің өзінде осы жағдайдың кесірінен еліміз халықаралық биржадан пайдасыз қайтып жүр екен.

@janaarna Ашу / Түсініктеме

2022-08-27 11:18:00 Ақтөбе қаласының №2 соты бірнеше қаржы пирамидасын құрып, тұрғындарды алдап ақшасын алған қылмыстық топқа үкім шығарды.

Қаржы пирамидасын құрғандардың үстінен қылмыстық іс қозғалды. 2021 жылдың маусым айында іс сотқа жетті. Сотта Ж. Есіркепов пен басқа да сотталушылардың 2018 жылы Ақтөбеде "Выгодный займ" ЖШС, "Гарант 24 ломбард", "Эстейт Ломбард", "Нұр-Али Капитал" ЖШС қаржы пирамидасын құрып, басқарғаны анықталды.

Нәтижесінде Ж. Есіркепов пен Н. Танбашеваға 18 жылға бас бостандығынан айыру жазасы тағайындалды. Олардың мүлкі тәркіленеді және басшылық қызметтерді атқару құғынынан айырылды. Сондай-ақ А. Мырзабеков 16 жыл, Н. Аманғалиева, Ж. Елтаева, Э.Жансүгірова 12 жылға сотталды.

Облыстық соттың баспасөз қызметінің мәліметінше, үкімнің бір бөлігі ғана оқылды. Істің көлемі үлкен болғандықтан үкім бір аптаға созылады. Келесі сот үкімі 31 тамыз күні жария етіледі.

@janaarna Ашу / Түсініктеме