Informburo_kaz

2022-08-01 15:11:13 Неге адамды маса шағады және олардан қалай құтылуға болады? Энтомологпен сұхбат

"Олар адам қанын жақсы көреді, өйткені оның құрамында жұмыртқаны өсіруге қажетті ақуыздар бар. Сәйкесінше, тек аналық масалар шағады, еркектері бұл жағынан зиянсыз. Екеуі де өсімдіктердің шырыны мен шырындарымен қоректенеді", – деп түсіндірді энтомолог Иван Хегай.

Ол масалардың адамдарды ғана емес, жануарларды да шағатынын атап өтті.

"Масалар бізді дем шығарғанда бөлінетін көмірқышқыл газының химиялық ізі арқылы тауып, таңдайды. Неғұрлым жиі дем алсақ, шағу ықтималдығы соғұрлым жоғары болады. Маса балалар, артық салмағы бар адамдар, жүкті әйелдер, сондай-ақ дене еңбегімен және спортпен айналысатындарды көбірек шағады", – деп толықтырды энтомолог.

Маман масалардан қорғану үшін репелленттер қолдануға, бірақ емдеу құралын таңдаған кезде нұсқаулықты мұқият оқып, оны қатаң түрде мақсатына сай пайдалану керек екенін ескертті.

t.me/informburo_kaz Ашу / Түсініктеме

2022-08-01 14:14:17 "COVID-пен өмір сүру": Пандемияның соңы қалай өрбуі мүмкін?

Коронавирус пандемиясының үшінші қысы келе жатыр. Осыған байланысты ғалымдар жұртшылық пен үкіметті коронавирустың жаңа толқындарына дайын болуға шақырды, деп жазды Reuters.

"Десе де вакцинация мен қалыптасқан иммунитет, ауруды жеңіл өткеру, вирустан тиімді емдеу әдістерінің болуына байланысты коронавирустан болатын өлім-жітім мен ауруханаға жатқызу деңгейі өсуі екіталай", –дейді сарапшылар.

Осыған байланысты елдер COVID-тің төтенше фазасынан қашан шығады және вирус қашан эндемиялық ауруға айналып, вакцинация деңгейі жоғары жерлерде маусымдық індетке айналатыны туралы сауалдар туындайды.

Көптеген сарапшылар бұл өзгеріс 2022 жылдың басында болады деп болжаған еді. Бірақ коронавирустың "Омикрон" штаммының пайда болуы бұл болжамды жоққа шығарды.

"Біз "пандемия аяқталды ма?" деген сауалдан бас тартуымыз керек", – дейді Лондон гигиена және тропикалық медицина мектебінің эпидемиологы Адам Кучарски.

t.me/informburo_kaz Ашу / Түсініктеме

2022-08-01 13:49:17 Несие төлемін кешіктірсеңіз, не істеу керек? Маман кеңесі

Несие төлемін кешіктірген азаматтар банк омбудсменінің көмегіне жүгіне алады.

Бұл туралы қаржылық қызметтерді тұтынушылардың құқықтарын қорғау департаменті директорының орынбасары Ернар Оразбаев айтып берді. Маман несие төлемін кешіктірген жағдайда не істеу керегін түсіндірді.

ТОЛЫҒЫРАҚ https://bit.ly/3zME5Vf Ашу / Түсініктеме

2022-08-01 13:29:45 Жанында мектеп, балабақшасы бар пәтерді қалай табуға болады?

Баспана сатып аларда немесе пәтер жалдайтын кезде үйдің маңында қандай мектеп, аялдама, дүкендер бар екенін көрсететін функция іске қосылды, деп хабарлады Krisha.kz.

"Аймақтың инфрақұрылымы туралы ақпарат мобильді қосымшадағы "Аудан туралы" бөлімінде топтастырылған. Онда "Мектептер", "Балабақшалар", "Аялдамалар", "Дүкендер", "Саябақтар", "Дәріханалар мен ауруханалар" деген санаттар бар", – деп жазылған хабарламада.

Барлық нысан картада белгіленген. Онда ол жерге үйден жаяу қанша уақытта баруға болатыны көрсетіледі.

Әзірге бұл мүмкіндікті Алматы, Нұр-Сұлтан, Шымкент және Қарағанды қаласының тұрғындары ғана пайдалана алады.

t.me/informburo_kaz Ашу / Түсініктеме

2022-08-01 12:50:08 "Ерлердің жағдайы жақсырақ": Қазақстанда жоқшылық деңгейі қандай?

Әсіресе, ескі жиһазды алмастыра алмайтындар арасында ең үлкен алшақтық байқалады. Ерлерде бұл көрсеткіш 17,9 пайызды құраса, әйелдердің 22 пайызында мұндай мүмкіндік жоқ, деп хабарлады Ranking.kz.

Әйелдердің 12,3 пайызының және ерлердің 10 пайызының қолайлы қысқы және жазғы екі аяқ киім алуға;
Әйелдердің 8,7 пайызының және ерлердің 6,7 пайызының ыстық тағамдармен тамақтануға;
Әйелдердің 6,9 пайызының және ерлердің 5,4 пайызының айына кемінде бір рет достарымен немесе отбасымен бірге түскі ас ішу үшін кездесуге;
Әйелдердің 5,7 пайызының және ерлердің 5,4 пайызының тозған аяқ киім мен киімді жаңасына ауыстыруға мүмкіндігі жоқ.

Жалпы алғанда 100 қазақстандықтың 11-інде жеткілікті аяқ киімі жоқ, ал 100-дің 6-ында тозған және ескі киім мен аяқ киімді уақтылы ауыстыруға мүмкіндігі жоқ.

t.me/informburo_kaz Ашу / Түсініктеме

2022-08-01 09:50:22 Колледжде оқуға талапкерлердің психикалық жай-күйі тексеріледі

Оқу-ағарту министрі колледжге оқуға қабылдаудың үлгілік қағидаларына өзгеріс енгізді.

Ережеге сәйкес, мемлекеттік тапсырыс бойынша педагогикалық, медициналық мамандықтар, сондай-ақ өнер және мәдениет мамандықтары бойынша оқуға түсетін адамдар арнайы немесе шығармашылық емтихандар, сондай-ақ психометриялық тестілеу тапсырады. Медициналық мамандықтар бойынша психометриялық тестілеу "өтті" немесе "өтпеді" деген нысанында бағаланады.

Емтихандардан төмен баға алған адамдар келесі емтиханға, конкурсқа жіберілмейді.

t.me/informburo_kaz Ашу / Түсініктеме

2022-08-01 08:11:16 Қазақстанда шағын бизнесті тексеруге мораторий ұзартылмақ

Шағын кәсіпкерлікке, оның ішінде микрокәсіпкерлік субъектілеріне қатысты мемлекеттік бақылау мен қадағалау 2024 жылға дейін тоқтатылады.

Тиісті қаулы жобасын Ұлттық экономика министрлігі жариялады.

Жарлық 2023 жылғы 1 қаңтардан бастап күшіне енеді.

Құжат 11 тамызға дейін АшықНҚА порталында талқылауда болады.

t.me/informburo_kaz Ашу / Түсініктеме

2022-08-01 07:41:21 Қазақстан халқының саны қашан 27 миллионға жетеді?

Қазақстан халқының саны 2030 жылға қарай 21,5 млн-ға дейін, ал 2050 жылға қарай 27,7 млн-ға дейін жетуі мүмкін. Бұл туралы Еңбек ресурстарын дамыту орталығының болжамдау департаментінің сарапшылары жасаған талдауда белгілі болды.

2030 жылға қарай халық саны Нұр-Сұлтан қаласында – 1,7 млн адамға дейін, Алматы қаласында – 2 млн 466 мың адамға дейін, Шымкент қаласында 1,5 млн адамға дейін өседі. Түркістан облысында – 207 мың адамға, Маңғыстау облысында – 170 мың адамға, Алматы облысында – 145 мың адамға ұлғаяды.

Ал Шығыс Қазақстан, Қостанай, Солтүстік Қазақстан, Қарағанды, Павлодар және Ақмола облыстарында халық санының қысқаруы күтілуде.

t.me/informburo_kaz Ашу / Түсініктеме

2022-07-29 14:47:11 Елордадағы "Еркетай" балабақшасында тәрбиешілер баланы әжетханаға қамаған

2022 жылдың басынан бері Нұр-Сұлтандағы жекеменшік балабақшаларда балаларды қорлау және олардың қауіпсіздігін қамтамасыз етпеудің 17 фактісі тіркелді, деп хабарлайды ҚР оқу-ағарту министрлігі.

Әлеуметтік желіде "Сати" жекеменшік инклюзивті балабақшасының тәрбиешілері баланың жылағанына назар аудармай, бүлдіршіндерді бұрышқа тұрғызып қойып физикалық күш қолданып жатқан видео тарады. Балабақша меңгерушісіне қатысты әкімшілік құқық бұзушылық туралы хаттама толтырылып, қылмыстық іс қозғалды.

"Еркетай" балабақшасында тәрбиешілер баланы әжетханаға қамап тастаған, салдарынан бала дене жарақатын алған. Lily орталығында бала басқа баланы ұрып-соққан, тәрбиеші жағдайға еш көңіл аудармаған. "Алан" балабақшасында баланы ұрыпсоққан тәрбиеші жұмыстан шығарылды. BOTAQAN-2020 ЖШС-да аутизм диагнозы бар егіздердің денесінен тістің іздері табылса, Baby Boom NurSultan балабақшаларында балалар қолдарын күйдіріп алған.

t.me/informburo_kaz Ашу / Түсініктеме

2022-07-29 13:45:20 Бала жасына толғанша төленетін жәрдемақы 1,5 жылға дейін ұзаруы мүмкін

Алдағы уақытта бала күтімімен айналысатын қазақстандықтар мемлекеттік жәрдемақыны 1 жыл емес, 1,5 жыл бойы алуы мүмкін. Бұл туралы ОКҚ-да өткен брифинг кезінде мемлекеттік әлеуметтік сақтандыру қоры АҚ бас директоры Нұрсұлу Кемел мәлімдеді, деп хабарлайды ҚазАқпарат.

"Біз әлеуметтік кодекс аясында бала күтіміне берілетін мемлекеттік жәрдемақы мерзімін 1 жылдан 1,5 жылға ұзартуды ұсынып отырмыз. Қордың қызметі әлеуметтік жәрдемақыны төлеумен ғана шектелмейді. Біз жалпы жүйенің, оның ішінде қаржы тұрақтылығын сақтауға жауаптымыз. Жалпы әлеуметтік міндет – ұзақмерзімді шаруа. Дегенмен дәл қазір бала күтіміне байланысты жәрдемақыны тағайындау мерзімін ұзартуға қатысты нақты ештеңе айта алмаймын", – деді Нұрсұлу Кемел тілшілердің сұрағына жауап бере отырып.

Айта кетсек, қазір елімізде 1 жасқа дейінгі бала күтіміне арналған төлемнің орташа мөлшері – 41 мың теңге.

t.me/informburo_kaz Ашу / Түсініктеме