Гарадзенку Яніну Глазкову ў Гародні засудзілі да 2 з паловай гадоў "хатняй хіміі". Яе звінавацілі паводле крымінальнай справы ва ўдзеле ў Маршы адзінства, які прайшоў 6 верасня мінулага году. Па версіі следства і на думку суду яна "была активным участником групповых действий, грубо нарушающих общественный порядок, не подчинялась приказам милиционеров". Жанчына расказала, што на месца падзей трапіла выпадкова - у той дзень яна ішла ў касцёл каб заказаць імшу.
