2023-04-27 09:42:58
Аллаһ бір құлын екі дүниеде де биік дәрежелерге көтеру үшін, нәпсісіне ұнамсыз нәрселермен сынайды екен.
ал, сол құлы Раббысының биік дәрежеге көтеру үшін беріп жатқан нәрселерін - басқа адамдардың көзіне өте төмен нәрсе сияқты көрсетіп, тіпті өзін де қауқарсыз "жертва" етіп көрсетеді екен.
шындығына келгенде ол нәрселер - ол құлды көтеру үшін, мықты ету үшін келген еді.
мысалы, бір кісінің екі көзі көрмей қалды делік.
ол құл енді екі таңдау жасай алады:
1) басқалардан сол көзінің көрмей қалғандығы үшін көмек күтіп, өзін "жертва" күйінде көрсетіп, күллі өмірін қайғымен өткізеді.
2) 1 мүшемді алған Раббым 11 мүшемді сау қалдырды, осылай жасау арқылы мені түрлі күнәлардан сақтап, ахыреттегі дәрежемнің биік болуына жәрдем етіп жатқан Раббыма сансыз шүкірлер болсын деп, қалған өмірін разылықпен, ешкімге шағымданбай, Алламен дос болып өткізеді;
негізі күнделікті өмірімізде кездесетін нәпсімізге ауыр тиетін жағдайларда біздерде де осы екі таңдау алдымызда тұрады.
бір сәт, ойланып көріңізші, сол сәттерде қандай таңдау жасайсыз?!
Раббымызға разылық етуді таңдайсыз ба?
әлде, әркімге шағым айтып, сізді көтеру үшін келген сынақта өзіңізді әлсіз "жертва" етіп көрсетіп, Аллаға деген наразылықты таңдайсыз ба?!
16 views. ., 06:42
Х
