ҚҰЛ ЕКЕНІН МОЙЫНДАҒАН ПАТША Байырғы заманда Бәһлүл Дана деген | Хабиба каналы
ҚҰЛ ЕКЕНІН МОЙЫНДАҒАН ПАТША
Байырғы заманда Бәһлүл Дана деген әпенді болыпты.
Халифа Һарун Рашитке біраз насихат айтыпты. Бәһлүлдің ақыл-кеңесіне риза болған патша:
- Қандай қажетің болса, айт, өтеп берейін, - депті.
- Менің үш қажетім бар.
- Ал, айта бер.
- Менің өмірімді ұзартып бер.
- Менің бұған құзыретім жетпейді.
- Мені өлім періштесінен қорға.
- Оған шамам жетпейді.
- Мені тозақтан алшақтатып, жұмаққа кіргіз.
- Мен оған дәрменсізбін, - деп, өзінің әлсіздігін мойындаған Һарунға әлгі Бәһлүл:
- Олай болса, біліп қой, сен патша емессің, құлсың! Ал мен құлдарға мұқтаж емеспін, - деген екен.
Араб тілінен тәржімалаған Қанат Жұмағұл ұстаз