Sotcial tarmaqlarda aytılıp atırǵan xabarlar boyınsha, klubımız transfer máselesinde hám ishki dúzilis boyınsha kóplegen qátelerge jol qoyıp atırǵanı haqqında xabarlar tarqaldı. Bul boyınsha toqtalıp ótetin bolsaq, klub endigi máwsimde óz júrisin Ózbekstan birinshi ligasında baslawın esapqa alıp ayırım futbolshılar menen óz ara kelisim jolın saylap shártnamaların biykar etti. Bul qatarda klubımız jas talant iyeleri Arıslan Yusupbaev hám Uluǵbek Bekbosinovlardı qimbat bahada transfer qılıwı múmkin edi. Tilekke qarsı Pro liga klubları tegin oyınshılardı qosıp aladı quramına, bul degenı transfer qılıw ańsat bolmaydı degeni. Jaslardı alıp qalıwda múmkin edi... Biraq klub olardıń keleshegin oylap basqada klublarda tajiriybe arttırıwın durıs dep bildi, hám olar menen shartnamanı óz qálewi boyınsha biykar etti. Klub basqarıwshıları bul boyınsha durıs sheshim qabıl etti desek boladı. Bir qansha millionlar ushın futbolshılardı uslap turıw emes olardıń keleshegin oylaǵan maqsetke muwapıq boladı. Klubımız benen shártnamasın biykar etken harbir futbolshımızǵa, azlı-kem klubımız ushın islegen miynetlerine minnetdarshılıǵımızdı bildiremiz! ARAL SAMALI futbol klubı málimleme xizmeti. @fcaral_samali 574 viewsedited 07:10
