Qaraqalpaqstan futbol assotsiatsiyasına múráájat! Búgingi kúnd | 𝐀𝐑𝐀𝐋 𝐒𝐀𝐌𝐀𝐋𝐈 (Rásmiy kanal)
Qaraqalpaqstan futbol assotsiatsiyasına múráájat!
Búgingi kúnde Qaraqalpaqstan respublikasınıń eki proffessional futbol klubı Ózbekistan Pro Ligasında ARAL SAMALI hám Ózbekistan birinshi ligasında PFK ARAL klubları elimiz arın arlap top tewip kelmekte. Tilekke qarsı rawajlanǵan mamlekettiń úlken respublikasında eki klub ushın standartqa juwap beriwshi tábiy oyın maydanı yáki jasalma bolsa da jaqsı stadionı joq, klub futbol bazasın aytpasaqta boladı. Siz aytıp atırǵan "TURAN" stadionı rekonstruktsiya isleniwin tastıyqlawshı hújjetti keń jámiyetshilikke inám etilgeni joq, balkim rekonstruktsiya bolıwıda málim emes...
Házirde Qaraqalpaq futbol klubları óz uy oyınların ótkerip atırǵan FSHM stadionında futbol ıqlasbentleri ushın standartqa juwap beriwshi orındıqlar joq. "Insan qádirin ulıǵlaw hám aktiv máhalle" jılında insan(lar) qádiri ushın, futbol ıqlasbentlerine jeterli dárejede qolaylıqlar jaratılmaǵan. Elimiz hawa-rayınan kelip shıǵıp máwsimnin tiykarǵı bo'legi jaz ayında bolıp otedi, al bul óz ornında ıqlasbentler tribunasına quyash nurın túsirmewge hám janede tribuna sanın kóbeytiwge itibar qaratıwıńızdı sorap qalaman. Siz aytatuǵın heshnarse bulardı islemewge báne bola almaydı, futbol usı eldin xalqı, ıqlasbentler ushın dep oylayman. Usı máseleler boyınsha tiyisli juwap beriwińizdi sorap qalaman. Bul múráájattı ARAL SAMALI ma'limleme xizmetshisi retinde jazıp óttim, lekin futbol ıqlasbenti kibi oz pikirlerimdi de qosıp óttim. Oylawımsha QQFA tek ǵana rásmiy klublarg'a emes hárbir futbol ıqlasbentine tiyisli juwap qaytara aladı!
Aral samalı futbol klubı málimleme xizmetshisi Ernazar Ismailov
@fcaral_samali
