Бізге ел бірлігі ауадай қажет. Қазақстан халқына Жолдауында осылай деген Мемлекет басшысы Қасым-Жомарт Тоқаев қаңтар оқиғасына қатысушыларға бір реттік рақымшылық жарияланғанын айтты.
Бірақ мұндай рақымшылық қаңтар оқиғасына қатысқандардың барлығына бірдей берілмейді.
«Әрине, рақымшылық тәртіпсіздіктерді ұйымдастыруға қатысы бар негізгі айыпталушыларға, сондай-ақ мемлекетке опасыздық жасап, билікті күшпен ауыстыруға әрекет жасады деп айыпталғандарға әсер етпейді», деді ол.