2022-05-16 07:40:37
Бүгін ГРАНТ ҰБТ-сы басталды! Сол күнге де жеттік-ау
2022 жылы талапкерлер маусым айындағы ҰБТ-ны екі рет тапсыра алады;
Әр тестіленуші ҰБТ-ның күнін, уақытын және орнын өз еркі бойынша белгіледі;
Сіздер үшін білім беру орталықтарының қолдауымен тегін онлайн сабақтар жүргізілді;
Дайындықтың тиімділігі үшін тегін байқау сынақтары іске қосылды;
Ал бүгін тестілеудің күнін, уақытын және бейіндік пәндерін еске салатын SMS жолданады. Сондай-ақ, SMS кәмелеттік жасқа жетпеген тестіленушілердің ата-анасына да жіберіледі;
ҰБТ-ның барысын ата-аналар онлайн-трансляция арқылы бақылай алады.
Академиялық адалдықты сақтау мақсатында әр тестіленушінің жеке тест нұсқасы болады. Осылайша, біз ҰБТ-ның әділ өтуін қамтамасыз етеміз;
Сонымен қатар, жүйеге енгізілген калькулятор, Менделеев кестесі, тұздардың ерігіштігі кестесін қолдануға болады;
ҰБТ аяқталғаннан кейін экранда, сонымен қатар Жеке кабинетте жеке тақырыптық талдау ұсынылады. Бұл - келесі тест алдында қателіктермен жұмыс істеуге керемет мүмкіндік;
Ерекше білім беру қажеттіліктері бар балаларға қосымша тестілеу уақыты (40 минут) берілді. Сондай-ақ, оларға суретсіз, диаграммаларсыз және сызбаларсыз тест нұсқалары жасалды;
Тестілеу аяқталған соң нәтижелеріңізді бірден көріп, қажет болған жағдайда 30 минут ішінде апелляцияға өтініш бере аласыздар.
Қалауыңыз бойынша ҰБТ-ға су және шоколадпен кіру рұқсат етіледі.
Ең бастысы, қобалжымаңыздар. Сіздердің ата-аналарыңыз, достарыңыз, жақындарыңыз және біз әрдайым қолдау көрсетуге дайынбыз.
Барлық ҰБТ-ға қатысушыға сәттілік және 140 балл тілейміз!
1.1K viewsedited 04:40
D
