Екі жыл ішінде 650 ауылда медициналық және фельдшерлік-акушерлік пункттер салынады – Президент Жолдауы
"Мен келесі жылдан бастап ауыл тұрғындарының мұқтаждықтарына бағытталған ұлттық жобаны жүзеге асыру жөнінде шешім қабылдадым.
Екі жыл ішінде қазіргі кезде медициналық мекемесі жоқ 650 ауылда медициналық және фельдшерлік-акушерлік пункттер салынып, толықтай жабдықталады. Осылайша мемлекет миллионнан аса азаматымызды алғашқы медициналық-санитариялық көмекпен қамтамасыз етеді.
Ұлттық жоба аясында 32 аудандық аурухана жаңғыртылып, ауданаралық көпбейінді медициналық мекеме ретінде қайта құрылады. Онда инсульт орталығы, хиругия, жан сақтау және оңалту бөлімдері пайда болады" - деп мәлімдеді Мемлекет басшысы Қасым-Жомарт Тоқаев 2022 жылы 1 қыркүйектегі Қазақстан халқына Жолдауында.
Бұл төрт миллионнан аса азаматымыз үшін медициналық қызмет сапасын арттырады. Сонымен қатар, шалғай аудандардың тұрғындарының білікті көмек алуына мүмкіндік беретін телемедицина дамиды.
t.me/bort_01
