2022-12-07 20:59:38
Алла бір пендесіне жақсылық қаласа, оған
өз кемшілігін көре алатындай көрегендік нәсіп қылады.Көреген адам өз бойын, ойын үнемі түзеуші, өзгенің қылығынан бұрын, өз былығын тезге салушы жан.
Көреген адам жұлдыз секілді адасқан жанға жеті түнде жол көрсетеді, теңіздегі кемелер мен сахарадағы керуендер жұлдызға қарап жол табады. Өзі де жарық һәм жан-жағына тоқтаусыз жарық шашады.
Өз кемшілігін бірден білсе, жояды, түзейді.
Оған біз “
самооценкам түсіп кетті” деп ат қойып алғанбыз. Өйкені өз кем-кетігіңді біліп тұрсың, байқап қалдың.
⠀
Әсілінде екеуі екі басқа ұғым.
“Самооценканың төмен” болуының бір белгісі –
өзіңді үнемі дәлелдегің кеп тұрады біреулерге, сенім жоқ, сондықтан өзгелерді төмендетіп отырасың. Абай атпақшы, “өзі шошқа өзгені ит деп ойлар”. Өз ішіңде мысық өліп жатқандықтан өзгелердің есебінен мықты атануды ойлап отырасың,
төмендету арқылы “жоғарылау”, өзін “сәл болса да біреуден жоғары екем ғой” деп алдау.
⠀Еееең қауіпті ой осы – “
осы жүргендердің ішінде ең тәуірі мен шығармын” деген ой.
Бұл – мұнафықтық. Екіжүзділік.
Екіжүзділіктің антонимі – ықылас. Ықыласты адамды ешнәрсе ренжіте алмайды оңайлықпен, тіпті шайтанның да шырмауына түсе алмайды.
Алла ықыласты құлдарына көмегін үзбейді дейді.
⠀
Ықыластың мысалын айтайық.
Біреуге жамандығын, кемшілік-күнәсін айтқанда ренжігендей, жасаған жақсылық, сауабын айтқанда ренжісе – ықыластың белгісі.⠀
Ал қазір керісінше, мақтамаса, айтпай кетсе ренжиді…бұл мақтанқұмар, көкірек керген кербез кісілердің қылығы.
Ықыласты адам “мені байқасын, көрсін, мақтасын, елеп-ескерсін, көптің көзіне түсейін, көрсетейін өзімді” деп амал етпейді.
Құрмет, ғиззат, мал-дүние дәметпейді.(Gallup-тағы
significance жоғары адамдардың құлағы шуласын )
Екіжүзділікке ең жақын кісі өзін екіжүзділіктен алыспын деп жүрген кісі.
Мұнафық “екіжүзді адам боп қалмадым ба осы” деп ойламайды, аз-аздан сөзіне өтірік қосылады,
тілдің жүрекпен байланысы үзіледі, берген уәдесінен оп-оңай тайсайды,
біреумен ұрыса кеткенде шектен шығуға дайын жүреді.Сондықтан біреу туралы жаман ойда болудың өзі күнә ретінде жеткілікті. Адам өз кемшілігін жақсы білуі тиіс, сол кемшілікті айнадан көргендей анықтап отыратын ортада жүруі, өз нәпсісін сұраққа алуы керек.
543 viewsdnrnbsr, 17:59