Қырғыз делегациясы Алматыға денсаулық сақтау саласын цифрландыру тәжірибесін үйрену үшін келді.
«Медициналық қызметтерді көрсету процестерін оңтайландыру, денсаулық сақтау саласын цифрландыру және денсаулық сақтаудың ақпараттық жүйелерін біріктірудегі табыстарыңыз маңызды және мойындалған жетістіктер болып табылады», — деп атап өтті ҚР Денсаулық сақтау министрлігінің ана мен бала денсаулығын қорғау жөніндегі үйлестірушісі Раиса Асылбашева.
Қонақтарға нақты уақыт режимінде жалпы практика дәрігерінің, акушер-гинекологтың және педиатрдың қабылдаулары көрсетілді. Damumed медициналық ақпараттық жүйенің және пациент қосымшасының барлық функционалы көрсетілді.
«Damumed» басқарма төрағасы Наталья Киль де жұмыс кездесуіне қатысып, болашақта жоспарланған және дәрігерлермен бірлесіп атқарылған міндеттер туралы айтып берді.
Өз кезегінде қырғыз делегациясының мүшелері Damumed МАЖ-ның медициналық еңбекті жеңілдету және көрсетілетін медициналық қызметтердің сапасын арттыру бойынша жұмысына жоғары баға берді.
