Қатал редактор

2022-01-27 16:46:24 Ашу / Түсініктеме

2021-12-31 13:24:08 2022 жылы қуанышыңыз бен жетістігіңіз көп болсын, оқырман! Ашу / Түсініктеме

2021-12-30 12:28:15 "Парасат майданы" деген телебағдарлама авторлар құқығын таптап жүр. Интернеттен видео көшіріп пайдаланады да, "YouTube.com сайтынан алынды" деп жаза салады. Рақат шығар. Ол видеохостингіде талай каналдың, талай автордың әр материалға қатысты жеке құқығы бар, YouTube желі ғана. Әрі сол жердің өзінде видео тағы бір жерден алынған болып тұруы мүмкін. Ашу / Түсініктеме

2021-12-16 13:19:09 Ән айта алмайтын баланы Junior Eurovision байқауына қалай қатыстыруға болады? Дұрыс, ұлттық іріктеу жеңімпазына қосақтап жіберіп. Биыл "Хабар" осылай істеді. Ілуде бір болатын жағдай — қазылар мен көрерменнің ұпайы тап осы байқауда тең дөңгелектене қалыпты. Хейт тыйылмақ түгілі, финалдан соң одан әрі өршігелі тұр.

Фанаттар жасаған рейтинг шамамен мынадай. Ашу / Түсініктеме

2021-12-07 14:46:48 Телеарналарға шолу жасағанда объект қылған нәрселерім түгілі материалдардың құрылым-мәтіні де дұрыс болмай жататынын көремін. Жүргізуші сөзінде, кадр сыртындағы мәтіндерде мәлімет түгел қайталана берсе, негізгі әрі қарапайым кәсіби талап ескерілмегені ғой. Ашу / Түсініктеме

2021-12-06 12:24:38 Қайғылы оқиға туралы кәсіби тұрғыдан сәтсіз репортаждар, "сұмдықты" одан сайын масқараға айналдыру, жаназа мен жалған жанашырлық және Almaty TV арнасына респект Ашу / Түсініктеме

2021-12-02 17:18:35 Ақпарат материалында мынадай сөйлем болмағаны дұрыс: "Қылмыстық атқару жүйесі комитеті төрағасының орынбасары Мейрам Аюбаев 15 жыл түрмеде отырып, биыл күзде босатылып, көп ұзамай қайтыс болған диссидент, ақын Арон Атабектің денсаулығына байланысты пікір… Ашу / Түсініктеме

2021-12-02 17:17:54 Ақпарат материалында мынадай сөйлем болмағаны дұрыс:

"Қылмыстық атқару жүйесі комитеті төрағасының орынбасары Мейрам Аюбаев 15 жыл түрмеде отырып, биыл күзде босатылып, көп ұзамай қайтыс болған диссидент, ақын Арон Атабектің денсаулығына байланысты пікір айтты" (с).

28 сөзден тұратындықтан емес, "біртүрлі" сабақтас құрмалас болғандықтан.

Қылмыстық атқару жүйесі комитеті төрағасының орынбасары Мейрам Аюбаев 15 жыл түрмеде отырып...

Сөйлемнің аяғына жеткенше түрмеде Атабек емес, Аюбаев отырғанына күмән қалмайды. Бұл кәдімгі құрмалас сөйлем емес, бағыныңқысындағы тиянақсыз баяндауыш бастауыш істеген әрекет емес.

"ҚазАқпараттың" бір тақырыбы еске түсті:

Аружан Саин өгей әкесінен таяқ жеп, ауыр халде жатқан баланың ісін қолға алды.

Толықтауышқа күрделендірген анықтауышты "қолдан" жалғағаннан ой бұзылып тұр. Бастауыш бағыныңқыда, оның тікелей іс-әрекеті басыңқыда тұрмауы керек. Сонда ақпарат тілінде сөйлеміңіз құрмалас болып жатса, субъект пен әрекет бағыныңқыңыз аяқталғанша, үтірі қойылғанша тікелей байланысуы керек екенін ескеріңіз.

Біздің медиадан басқа да мысалдар:

Дінтанушы ес-түссіз ғашық болып,
Сирияға кеткен алматылық арудың хикаясын баяндады.

Алматылық полицейлер жас жігітті бөлшектеп,
басын қоқысқа лақтырып кеткен күдіктілерді анықтады.

Нұрсұлтан Назарбаев мемлекеттің ақшасын жеп,
шетел асатын азаматтарға тосқауыл қоюды тапсырды.

Имам Алматы қаласының дін істері жөніндегі басқармасының тапсырмасымен түрмедегі теріс ағымға кіріп,
оны насихаттаған адамдармен сұхбаттасты. Ашу / Түсініктеме

2021-12-01 15:39:05 "Осыдан 10 жыл бұрын бар ғой... мен..." деп.., қызыыық әңгіме айтайын деп жатқан жоқпын . Айтайын дегенім: "осыдан 10 жыл бұрын" дегеннің дұрысы — "10 жыл бұрын". Ашу / Түсініктеме

2021-11-30 11:53:31 Қылмыстық кодексте "Өзін өзі өлтіруге дейін жеткізу" деп дұрыс аударылмаған ғой негізі. "Өлімге итермелеу", "Өзін өзі өлтіретін жағдайға жеткізу" десе, бір жөн. Ашу / Түсініктеме