Әпендінің әңгімелері | Посткүнем👳‍♂️

2022-09-02 06:42:29 - Әпендім, тоқал алсам деп едім…
- “Тоқал оңай”-ды оқығансың ба?
- Жоқ…
- Өй, онда сенімен қалай сөйлесем?? Ашу / Түсініктеме

2022-09-01 16:10:19 “Атеисттердің арасында медресе оқығандар жандар да бар. Оған себеп бала шағында мәжбүрлі түрде қысыммен берілген діни білім” дейді бір дінтанушы сұқбатында.

Расымен де бала шағында молдадан тәлім алып, медресе көрген жандарды білемін. Қазір атеизмнің айбалтасын асынып, құдайсыздықтың қолшоқпарын көтеріп жүр…

Бір кем дүние. Ашу / Түсініктеме

2022-09-01 07:23:26 Бірде шаштараз мұғалімнің шашын қиып жатып сұрапты:
⠀
- Қымбаттым, айтыңызшы, осы бізде білім саласы неге өте нашар?
⠀
Мұғалім шаштаразға тік қарап:
⠀
- Ойлаңызшы, сіз әрбір шаш қияр алдын құралдарыңызды хат жүзінде бекітіп аласыз әрі оның қажеттілігін тәптіштеп түсіндіресіз. Кейін әрбір бастың шашын алу үшін тиімді әрі сағаттық жоспар бекітуге тиістісіз.
⠀
Оған қоса, шашты жуатын шампун мен түрлі бояғыш заттардың керектігі туралы тағы да қағаз жүзінде дәлелдеуіңіз керек.
⠀
Сіздің жалақыңыз сіздің түрлі газет пен журнал бетіне шаш туралы жазған мақалаларыңыздың санына байланысты болады. Ұмытып, барамын, жалақыңыздың бір бөлігіне түк пайдасыз газет-журналдарға жазылуға тиістісіз. Әйтпесе, құрыдыңыз...! Бұдан бөлек, “Заманауи өмірдегі дәстүрлі шаштараздың бейнесі” деген секілді түрлі семинарлар мен жиындарға қатысуыңыз қажет. Жоғары жалақы алу үшін сіз клиенттердің көңіл көтеретін түрлі іс-шараларын ұйымдастырасыз. Тағы да ұмытып барады екенмін, жоғарыдан әлдебір дөкей келер уақытта көшеге тазалайсыз, аула сыпырып, шарбақ сырлауыңыз керек.
⠀
Сізді жыл сайын күтпеген жерден салоныңа кіріп келіп тексеріп тұрады. Сосын сізге қайшымен бастан жоғары шаш қиюға тыйым салады... Сосын...
⠀
- !!!!! Бл@@@ ...!!! - деді аузы ашылған шаштараз - Сонда қашан шаш қияды?!
⠀
- Сіз жауап алдыңыз деп ойлаймын, - деген екен мұғалім бәсең үнмен....
⠀
Білім күнімен! Ашу / Түсініктеме

2022-08-31 07:37:49 "АЛЛА" МА, ӘЛДЕ, "АЛЛАҺ" ПА, ҚАЙСЫСЫ ДҰРЫС?

Бұл сұрақтың дұрыс жауабына жету үшін, алдымен араб тілінде ''الله'' сөзі ''Алла'' деп дыбыстала ма, әлде ''Аллаһ'' деп дыбыстала ма, соны анықтайық.

Біз ''Аллаһ'' деп айтқанда, сөздің соңындағы ''һ'' әрпі ''х'' әрпіне өте ұқсас дыбысталады. Яғни, ''Аллаһ'' десек те, ''Аллах'' десек те, айырмашылық байқалмайды.

Ал арабшада ''ه'' әрпі тамақтың ең төменінен шығады, әрі нүктелі ''خ'' әрпі сияқты тамақты қырмайды және нүктесіз ''ح'' әрпі сияқты жаңғырмайды. Ол әріп тамақта ешқандай кедергіге соқтықпай, ауа шыққандай таза шығады.

Қазақтың ''һ'' әрпі арабшадағы ''ه'' әрпін білдіре алмайды. Себебі, біздегі ''қаһарман, гауһар, жауһар'' сөздерін дауыстап айтып көріңізші. Сосын ''хат'' деген сөздегі ''х'' әрпімен алмастырып, ''қахарман, гаухар, жаухар'' деп айтып көріңіз, айырмашылық өте аз, тіпті байқалмайды.

Демек, біз ''Аллаһ'' десек, бұл сөз ''الله'' деп емес, ''اللاخ'' деп дыбысталады. Ал бұл дұрыс емес.

Енді біреу айтуы мүмкін: Мен ''Аллаһ'' дегенді дәл арабшадағыдай дыбыстаймын, деп.
Енді осылай деген кісі мына сөздерді қалай оқиды екен: ''Аллаһты, Аллаһқа, Аллаһтың''.
Әрине бұл сөздер ''Аллахты, Аллахқа, Аллахтың'' деп оқылады. Әлде ''Аллаһны, Аллаһа, Аллаһның'' деп өзбекше еки татарша оқиды ма?

Араб тілінде ''ه'' әрпі болар-болмас, өте нәзік оқылады. Жоғарыдағы сөздердің орнына ''Алланы, Аллаға, Алланың'' деген сөздерді қолдану тілге өте жеңіл.

Әрі ''Алла'' сөзі ''الله'' сөзіне әлде қайда жақын дыбысталады. Аз да болса, арабтарды көрген, сөйлескен, аудармашы болған адам ретінде бұл пікірді сеніммен айта аламын.

Әрі ''Алла'' десең, Пугачеваның есіміне ұқсап қалады деген уәж де негізсіз. ''Алла'' деп келгенімізге қанша ғасыр болды? Алла Пугачева кешегінің, бүгінгінің адамы емес пе? Ұқсап кетеді деп әр көлденең аттының есіміне бола, өзгерте берсек, неміз қалады?

ҰСТАЗ ҚАНАТ ЖҰМАҒҰЛ

Қанат ұстазды танитындар болса, баса кетіңіздер) Ашу / Түсініктеме

2022-08-30 10:42:07 Жоғарыдағы жазбаның шархын жазамын дегенше, 128 адам басып үлгеріпті, ал менің әпенділігімді білетін 80 адам кейіппен байсалдылық танытыпты.

Әсілі, ҚМДБ Ғұламалар кеңесі 2015 жылы Аллах (һ) сөзі қазақ тілінде “Алла” деп жазылуы/айтылуы туралы арнайы пәтуа шығарған еді.

Жалпы бұл пәтуаға исі қазақ жамағаты еруі міндет. Алайда, көп жамағаттың, ара тұра молдалардың (уағыз айту барысында) бұл пәтуаға тоқтамайтынын байқадым.

Әр елдің ұлттық ерекшеліктерімен қатар тілдік те ерекшеліктері болады. Біздің лексикамызда арабшадан енген көптеген кірме сөздер (қалам, дәптер, кітап т.с.с) бар. Егер салыстырып қарасаңыз, олардың араб тілінде айтылуы да жазылуы да сәл өзгеше. Мысалы, Пайғамбарымыз ﷺ есімін қазақша Мұхаммед деп айтсақ, дағыстандықтар Могамед, түріктер Мехмед дейді. Яғни, әр ұлттың тілдік ерекшелігіне сай Пайғамбар есімінің өзгергенін көреміз әрі ешкім мұны қателік демейді.

Өз тәжірибемнен байқаған дүние, сәләфилік ағым өкілдері ылғи Аллах не Аллаһ деп жазады. ҚМДБ пәтуасын құлаққа қыстырмайды.

Біреу білер, біреу білмес, қайбір жылы “Он ғасыр жырлайды” кітабы қайта жарық көреді. Редакция алқасында “Конец власти” оқыған ағамыз бастаған мүйізі қарағайдай бір топ ақын жазушылар Абай, Бұқар жырау, Мұқағали сынды ақындардың өлеңдеріндегі “Алла” сөзін “Аллаһ” деп өзгертіп тастайды. Сәйкесінше, өлеңдердің құрылымы бұзылып. қазақ әдебиетіне үлкен қиянат жасалды.

Ал, хабашиттерге келсек, олар қазақша не орысша болсын ылғи АллаҺ деп жазады. Бұл 100% дәлелденген десем артық емес шығар

Қысқаша осы. Айтпақшы, Алла деп айту/жазу тек қазақ тілді қолданысқа ғана. Қайбір арабша аят хадис, дұғаны қазақша транскрипциялағанда бұл ереже сақталмайды) Ашу / Түсініктеме

2022-08-25 18:43:54 “ҚМДБ-ға еретіндер - Алла деп жазады
Сектаға (хабаши, уахаби) еретіндер - Аллаһ, Аллах деп жазады”

- дейді ішкі түйсігім… Ашу / Түсініктеме

2022-08-25 11:17:58 УМРАНЫ БӨЛІП ТӨЛЕҢІЗ!

Толық төлем 640мың тг
Бірінші төлем 300мың
Келесі айдың 30-ы 170мың
Октябрьдің 30-ы 170мың

31.08-10.09 Ұмра (11күн)
Айбек Омар ұстаздың жетекшілігімен
Стандарт пакет 640мың
Алматы Шарджа Джидда
Медина Шарджа Алматы
Сыйлыққа 5л Зәм-Зәм суы, жилет, сөмке
Ұстазбен тарихи жерлерге экскурсия
Транфер
Білікті гид
Мекке 4жұлдызды қонақүй (1,5км 24/7 автобус)
Медина 4жұлдызды қонақүй (300метр)
толық ақпарат алу үшін: +7 702 261 2222 Ашу / Түсініктеме

2022-08-25 07:54:11 Сүйекке басылған таңба... Қазақта осындай әдемі сөз бар. Өте қасиетті... Ауылда менімен замандас бір қыз болатын. Тоғызыншы сыныпты бітірер жылы өзінен әлдеқайда үлкен жігіттен екіқабат болып, көп ұзамай тұрмысқа шықты. Бүкіл ауыл шулады. Әлгі қыздың "ерлігі"… Ашу / Түсініктеме

2022-08-23 08:32:58 - Неге Астанада бой көтерген НӘН мешітке НӘН-нің есімі болмаса ата-бабасының аты қойылмады?
- Неге Нұр-Астана мешіті атауын өзгертіп тастады?
- Неге РБМ-ке бас имам емес жай имам сайланды? Сонда бас имам кім???
- Қанат имам неге небәрі үш айға сайланды?
- Ана даңғарадай мешіттің шығынын өтеуге барлық облыстың садақа жәшігіне қол сала ма?

Сізді де осындай сұрақтар мазалай ма арасында? Ашу / Түсініктеме

2022-08-22 21:27:21 Соңғы кездері әскерде өлім-жітім өте көбейіп кетті. Соқталдай жас жігіттер өз-өздеріне қол жұмсап, белгісіз жағдайда ажал құшып жатыр. Одан өзге әскердегі зорлық-зомбылық пен әлімжеттік оқиғалары да жиі кездесуде. Отан алдындағы борышын өтемекке барып, ақыл есінен ауытқып немесе мүгедек болып оралғандар да баршылық.

Аталмыш жәйттерді тергеу мәселелері де кең тұсау бос арқанның күйін кешіп, кінәлілер құрықталмай отыр. Қорғаныс министрлігі де жауапкершілікті басқа тараптарға сілтеуде.

Алла Тағала Құранда “Өз-өздеріңді қауіпке тікпеңдер!” “Өздеріңді өлімге итермелемеңдер!” дейтін аяттары арқылы адам өмірінің басты құндылықтардың бірі екенін айтады.

Жоғары аяттың негізінде ҚМДБ әскердегі жағдай мен ішкі тәртіп тұрақталғанға дейін жас сарбаздардың жеке бас бостандығы мен өмірін сақтау мақсатында “мұсылмандарға әскерге бару харам!” деген жедел түрде пәтуа беру керек секілді деп толғанып отырмын (тек толғанып)

Отанды қорғау - әр азаматтың парызы. Ел басына күн туғанда соқыр да қару асынып, саңырау да окоп қазуға баруға іштей дайын. Әйтпесе, ай мен күннің аманында өрімдей жастардың соғыссыз ажал құшып жатқаны өте ауыр құбылыс. Ашу / Түсініктеме