2022-06-13 15:54:05
ҚАМЫР ИЛЕУ ҚҰПИЯЛАРЫ
Осы постқа басып өтіңіздерші
Кеттік онда:
Дәмді бәліштің томпайып жақсы көтерілуінің негізгі сыры ұнды елеуіштен елеп өткізіп салу. Електен өткізу кезінде ұндағы артық құрамдас бөліктерден арылып, оны ауамен толтырады, сонда қамыр жақсы көтеріледі.⠀
⠀
Тоқаш, бәліштер жұмсақ болып, келесі күні қатып қалмау үшін қамырға картоп крахмалын қосыңыздар.⠀
⠀
Нан, бәліш, құймақ және оладьи қамырына ұнтақ жармасын (манка) (жарты литр сұйықтыққа бір ас қасық) қосыңыздар. Сонда нандарыңыз ұзақ сақталып, қатпайды.⠀
⠀
Қамырға жарты стакан минералды су және сүт қосыңыздар. Не болмаса сірке суы немесе лимон қышқылына ерітілген ас содасын 0.5 стақан суда ерітіңіздер. Бұл да қамырдың жақсы томпайып көтерілуіне көмектеседі.⠀
⠀
Нан илейтін ас бөлмесіндегі терезелерді жауып қойыңыздар. Сонда қамырдың беті кеппей, жылы, ық жерде жақсы көтеріледі.⠀
⠀
Ашытылған қамырдың құрамдас бөліктерінің барлығы жылы болуы тиіс. Тоңазытқышта тұрған азық-түліктерді алдын-ала микротолқынды пеште жылытып алыңыздар не болмаса 1-1,5 сағ бұрын шығарып қойыңыздар. Ал қамырдың құрамындағы сұйықтықтарды 30-35 градусқа дейін жылытқан дұрыс. Ашытқы осындай температурада жақсы көтеріледі.⠀
⠀
Қамырды басып илеу кезінде, құрғақ қолмен илеңіздер.⠀
⠀
Нан, тоқаштарды пешке салмас бұрын, 15-20 минутқа жылы жерге қойып қойыңыздар(көтерілу үшін). Керісінше жағдайда өніміңіз ұзақ пісіп, дұрыс көтерілмейді.⠀
⠀
Бәліштерді орташа отта пісіріңіз, осылайша ол күймей көтеріліп, жұмсақ болып піседі.⠀
⠀
Қамырдың құрамына сары май қоссаңыздар, оны ерітпей, турап қосыңыздар.⠀
⠀
Пост пайдалы болдыма?
Өзіңіздің құпияларыңызбен бөлісе отырыңыздар
638 views12:54