Алмат Жайлаубаев

2021-05-23 11:19:21 Алмат Жайлаубаев pinned «СІЗДІ АЗ УАҚЫТТА ШЫҢҒА ШЫҒАРАР 3 ҚАБІЛЕТ. Күйбелең өмірдің шаруасы ешқашан бітпейді. Сылтаулар да еш таусылмайды. Ал өзімізді дамытып, жаңа деңгейге шығаруға уақыт таппай жатамыз. Бір шеңберге кіріп алып, шыға алмай жүруіміз де мүмкін. Сол шеңберден шығаратын…» Ашу / Түсініктеме

2021-05-23 11:18:38 “BE FAST” формуласы.
⠀
Бұл өмір қысқа, бірақ арманымыз шексіз. Көп іс жасағымыз келеді, бірақ уақыт жетпейді. Ал уақытпен алысу - бос әурешілік. Өйткені уақытқа тұсау жоқ.
⠀
Сол үшін кез келген нәрсені тез үйренуіміз қажет. Осылайша уақытты үнемдей отырып, ойдағы істерді біртіндеп жүзеге асыра бастаймыз.
⠀
Жылдам үйрену үшін қолданатын бір формула бар. Ағылшын тілінен аударғанда ТЕЗ БОЛ деген мағына беретін - “BE FAST” формуласы.
⠀
Бұл формуланың авторы - Джим Квик (Jim Kwik). Джим әйгілі Голливуд әртістері мен бизнесмендерге осы формуланы үйреткен.
⠀
Ендеше кез келген істі, қабілетті немесе өнерді үйренем десеңіз, осы формуланы қолданыңыз. “BE FAST” – әр әріпі бір сөзді білдіреді.
⠀
B - Believe: СЕНУ
E - Exercise: ЖАТТЫҒУ, ПРАКТИКА ЖАСАУ
⠀
F - Forget: ҰМЫТУ
A - Active: БЕЛСЕНДІ
S - State: ЖАҒДАЙ, КҮЙ
T - Teach: ҮЙРЕТУ
⠀
B - Believe [СЕНІМ].
Кез келген бастама үшін сенім өте маңызды. Генри Фордтың сөзі бар: “Егер сенсең қолыңнан келеді. Сенбесең жасай алмайсың”. Сол үшін СЕНІМ - есіктің кілті! Тек сол кілт арқылы ішке кіре аласыз.
⠀
E - Exercise [ЖАТТЫҒУ, ПРАКТИКА ЖАСАУ].
Бұл сөздің екі мағынасы бар. Біріншісі, дене шынықтыру. Дене шыныққан сайын, мидың жұмыс істеуі де күшейеді. Екіншісі, үйренген нәрсені іс жүзіне асыру. Практика жасаған сайын, тереңдей түсесіз.
⠀
F - Forget [ҰМЫТУ].
Неге біз осы, бір қабілетті тез үйрене алмай жатамыз? Бәлкім бәрін білеміз деп ойлағаннан болар. Сол үшін бір нәрсе үйреніп жатқанда, уақытша бәрін ұмытқан жөн. Үйренудің қас жауы - МЕН БІЛЕМ деген сөз.
⠀
A - Active [БЕЛСЕНДІ].
Футбол ойынын бәріміз білеміз. Сол ойында алаңдағы ойыншы болған дұрыс, көрермен емес. Алаңдағы футболшы ғана белсенді. Сондықтан да бәрінің назары соларда.
⠀
Қағаз-қалам алып, маңызды ақпараттарды түртіп алыңыз. Сұрақ сұраңыз. Сұрақтың жаманы - сұралмаған сұрақ екенін ұмытпаңыз. Үйренуге бар ынтаңызды салыңыз. Белсенді болыңыз.
⠀
S - State [ЖАҒДАЙ, КҮЙ].
Қорқыныш, үрей, уайымнан құтылыңыз. Терең тыныс алыңыз. Медитация жасаңыз. Көңіл-күйіңізді әрдайым көтеріңкі ұстаңыз. Өйткені қазіргі көңіл-күйіңіз үйренуіңізге тікелей әсер етеді.
⠀
T - Teach [ҮЙРЕТУ].
Біреуге үйретем деген ниетпен үйренсеңіз, жадыңызда жақсы қалады. Үйренген нәрсеңізді үйрету арқылы кемшіліктеріңізді байқайсыз. Қатеңізді де түзейсіз. Үйренгеніңізді қайталайсыз. Ал қайталаусыз білім өледі.
⠀
Сонымен “BE FAST” формуласын да үйрендік. Енді қолданайық, достар. Бөлісу бізден, әрекет сізден!

https://t.me/almatzhai Ашу / Түсініктеме

2021-05-21 11:02:49 СІЗДІ АЗ УАҚЫТТА ШЫҢҒА ШЫҒАРАР 3 ҚАБІЛЕТ.

Күйбелең өмірдің шаруасы ешқашан бітпейді. Сылтаулар да еш таусылмайды. Ал өзімізді дамытып, жаңа деңгейге шығаруға уақыт таппай жатамыз. Бір шеңберге кіріп алып, шыға алмай жүруіміз де мүмкін.

Сол шеңберден шығаратын, сізді табысты қылатын 3 қабілет жайлы жазамын. Алдымен 3 қабілетке өтпей тұрып, “Тормоз болмау” атты жазбамды оқып шықсаңыз: https://t.me/almatzhai/30 .

1. Сізді жетістікке жетелейтін бірінші қабілет - ТІЛ ҮЙРЕНУ.

Тіл үйрену арқылы миыңыздың жұмысын күшейтесіз. Басқа тілде кітап оқып, көкжиегіңіз кеңейе түседі. Өзіңізге сеніміңіз артып, жаңа таныстықтар құра бастайсыз. Біреуге тәуелді болудан құтылып, жеке ойыңыз қалыптасады. Алдыңыздан көп мүмкіндіктер шығады.

Сол үшін ең бірінші кезекте АҒЫЛШЫН ТІЛІН жетік меңгеріңіз. Уақыт шектеулі. Бірден бастап кетіңіз. Тәжірибеге сүйеніп айта аламын: ӨКІНБЕЙСІЗ.

2. Екінші қабілет - ҚАРЫМ-ҚАТЫНАСТЫ КҮШЕЙТУ.

Жаңа мүмкіндіктер, бизнес идеялар, инвестициялар, тың бастамалар - барлығы адамдар арқылы келеді. Ең ғажабы да сіз күтпеген адам арқылы келеді.

Сондықтан мақсатқа сай араласатын ортаңызды таңдауыңыз қажет. Сізден білімді, тәжірибелі, өз саласында мықты тұлғалармен қарым-қатынасты нығайтыңыз. Сонда дамып қана қоймай, өзіңізге тірі РЕЗЮМЕ-лер дайындайсыз.

Алла тағала сізге арнаған несібесін кім арқылы және қалай жіберетінін біле алмайсыз. Білудің де қажеті шамалы. Тек амалын жасаңыз, нәтижесін көресіз. (Осы туралы толық оқимын десеңіз: https://t.me/almatzhai/16)

Сол үшін адамдармен тиімді қарым-қатынас құруды үйреніңіз.

3. Сізді шыңға шығаратын үшінші қабілет - ӨЗ САЛАҢЫЗДЫ ДАМЫТУ.

Өз саласында мықты мамандар ешқашан жерде қалмайды. Сондықтан таңдаған салаңызды жетік меңгеруіңіз керек. Осыған орай менің өзіме қолданатын бір формуламмен бөлісейін.

(7К+25М) х (2К+1М) = №1

7К - өз мамандығыңыз жайлы 1 жылда 7 кітап оқу.
25М - өз мамандығыңыз жайлы 1 жылда 25 мақала оқу.
2К - өз мамандығыңыз жайлы 1 жылда 2 курс/семинар/конференцияға қатысу.
1М - өз саласында шыңға жеткен 1 Менторыңыз болсын.

Жоғарыдағы формуланы іс жүзіне асырсаңыз, келешекте өз салаңызда №1 боласыз.

Қорытынды. Осы 3 қабілетті дамытсаңыз, қысқа уақыттың ішінде керемет жетістікке жетесіз!

Даму мен кемелдену жолындағы сапарымыз сәтті болсын, достарым!

https://t.me/almatzhai Ашу / Түсініктеме

2021-05-20 06:31:08 Мені өзгерткен кітап.
⠀
Осыдан 6 жыл бұрын. Ташкентте бизнес ашып жатқан кезім болатын. Лондонда оқып жүрген досым маған кітаптар жіберді. Соның ішінде Кэрол Дуектің «Mindset» кітабы бар еді. Орысшасы «Гибкое сознание».
⠀
Сол кітапты Ташкентте 2014 жылы бір оқыдым. Миымда небір жарылыстар болғанын бір білсеңіз ғой! Сол кітаптың әсерінен 2016 жылдың аяғында Бостоннан бірақ шықтым.
⠀
Мына жерде кітаптың мазмұнын жаза алмаспын. Бірақ өмірімдегі өзгерістердің біразын айтып өтейін. Кэрол апайымыздың кеңестерімен ойлау жүйеме регулировкалар жасадым.
⠀
Оңай болмады. Дегенмен қысқа уақытта өмірімде оң өзгерістер байқадым. Дүние жүзінің 12 мемлекетіне саяхат жасадым. Эфиопияның астанасы Аддис-Абабада қызмет атқардым. Көрші елі Кенияға іс-сапармен бардым. Әлемнің түпкір-түпкірінен таныстарым артты.
⠀
FORBES журналының байлар тізімі бар. Соның ішіне кіретін олигархтармен таныстым. Бірнешеуімен бірге бизнес те жасадық. Көкжиегім кеңейе түскенін байқадым.
⠀
Осылайша даму мен кемелдену жолындағы сапарыма шықтым. Саламды таңдадым. Бағытымды бекіттім. Шектеу тек өзім екенін түсінгендеймін. Әйтпесе Алланың берген мүмкіндіктері шексіз ғой.
⠀
Одан кейін 2019 жылы кезекті АҚШ сапарына бардым. Күн сайын таңғы 6’да үйден шығамын. Гарвард Университетінің кітапханасында біршама уақыт өткізетін едім. Не керек сол жерде әлгі кітапты тағы оқыдым. Бұл жолы миымда жарылыспен қоса төңкеріс те болды.
⠀
Қазақстанға келе сала проект жасадым. АҚШ-тың ең мықты университеттерін жастарға көрсету. Алланың қалауымен 13 баланы АҚШ сапарына апардық. Көзбен көру – сену. Сол балапандардың бәрі АҚШ-қа дайындық үстінде қазір.
⠀
Артық білім кітапта. Оқыңыз. Зерттеңіз. Өзіңіз өзгермегенше, сізді ешкім өзгерте алмайды. Жетістікке жетелер әдеттер қалыптастырыңыз. Өміріңіздің соған қарай өзгергенін көресіз. Шектеу – өзіміздің баста ғана.
⠀
Алда талай асулар мен белестер бар. Алла қаласа бәрін бағындырамыз. Тек даму мен кемелдену сапарымыз сәтті болғай!

https://t.me/almatzhai Ашу / Түсініктеме

2021-05-19 13:19:33 Маңызды 2 себеп.
⠀
Анасы таңертең ұлының бөлмесіне кіріп, баласын оята бастайды.
⠀
-Тұр, балам. Қазір мектепке кешігесің, - дейді. Баласы ұйқылы-ояу:
⠀
-Анашым, бүгін мектепке барғым келмейді, - деп жауап береді. Бұны естіген анасы:
⠀
-Неге барғың келмейтіні жайлы маңызды 2 себеп айтшы, - деп қарсылық білдіреді. Ұлы:
⠀
-Біріншіден бүкіл мұғалімдер мені жек көреді. Ал екіншіден оқушылар да жақтырмайды. Жете ме, ана? - деп түрін тыжырайтады. Анасы берген жауабын жақтырмай:
⠀
-Бұл екі себеп те сенің мектепке баруыңа кедергі емес. Қане, тұр да, шығуға дайындал, - дейді.
⠀
-Анашым, онда сіз де менің мектепке не үшін баруым керек екеніне 2 себеп айтыңыз, - деп жатуын жалғастыра береді. Бұны көрген анасы, ашуланып, үстінен көрпесін жұлып алады да:
⠀
-Бірінші маңызды себеп - 52 жасындағы төбеттей адамсың. Екіншісі болса - сол мектептің директорысың, - деген екен.
⠀
Сол үшін “100% мен” формуласымен өмір сүрейік, достарым!
⠀
PS. “100% мен” формуласы жайлы мына сілтеме арқылы оқи аласыз:
⠀
https://t.me/almatzhai/33
⠀
Даму мен кемелдену жолындағы сапарымыз сәтті болсын, достарым!
⠀
https://t.me/almatzhai Ашу / Түсініктеме

2021-05-18 07:37:19 100% АнтиФэйл* формуласы
⠀
*АнтиФэйл [AntiFail] - сәтсіздікті жеңіске айналдыру; сәтсіздікке ұшырамау мағынасында.
⠀
Кез келген іс мотивациямен басталып, әдетпен жалғасады. Бір істі соңына дейін жеткізу әдеті қалыптаспаған жағдайда, іс аяқсыз қалады. Істер әрдайым аяқталмаса, тұрақсыздық пайда болады.
⠀
Сондықтан әр істі жеңілдетіп, ең оңайынан бастау керек. Адам 42 шақырым марафонға дайындықсыз, бірден жүгірсе, не болады? Жарты жолға жетпей зорығып қалады. Жүрегі тоқтап, өліп кетуі мүмкін. Не болмаса жарақат алады.
⠀
Дұрысы болса - үздіксіз дайындалу. Басында жарты шақырымнан жүгіре бастау. Ағза үйренген сайын, біртіндеп қоса беруге болады. Сөйтіп 3-4 айда 42 шақырымға жетіп қалады. Сонда мидың қабылдауы да, ағзаның төзімділігі де дайын болмақ.
⠀
«Ақырын жүріп, анық бас, Еңбегің кетпес далаға» деп, Абай атамыз бекер айтпаған. Сол үшін сабырсыздық танытпай, кішкентай қадамдардан бастау қажет.
⠀
Осыған орай “100% АнтиФэйл” формуласымен таныс болайық. Бұл формуланы қолданатын адамның ұраны: “Бір істі аз болса да үздіксіз орындап, жеңілдетіп, әдетке айналдыру”. Әдетке айналған іске көп энергия жұмсалмайды.
⠀
“100% АнтиФэйл” формуласы: м 100% М
⠀
м = минимум [ең азы] деген мағынаны береді.
М = Максимум [ең көбі] мағынасында.
100% = “Минимум” мен “Максимум”ның дәл ортасындағы көрсеткіш.
⠀
Бұл формуланы кез-келген салада қолдануға болады. Әсіресе бір әдет қалыптастыру кезінде таптырмас әдістің бірі.
⠀
Мысалы үшін кітап оқуды әдетке айналдырғымыз келеді делік.
⠀
Маңыздысы үздіксіз, күн сайын оқу. Адам ауырып қалса да, оқи алатын мөлшерін бекітіп қойған дұрыс. Яғни қиналмай оқи алатын м = минимум [ең аз] кітап бетін аламыз: м = 3 бет.
⠀
Бос уақытты тиімді пайдалану керек. Кітап көп оқылатын кезеңді бекітіп қою өте маңызды. Мысалы демалыста немесе бос уақыттарда оқи алатын М = Максимум [ең көп] кітап бетін аламыз: М = 47 бет.
⠀
Ал қалыпты жағдайларда, әрдайым оқылуы керек мөлшерді де бекіткен абзал. Бұл күн сайын оқылуы керек беттер саны. 100% = “Минимум” мен “Максимум”ның дәл ортасындағы көрсеткішті аламыз: 100% = 25 бет.
⠀
м = 3 бет
М = 47 бет
100% = 25 бет
⠀
Бұл көрсеткіш - кез келген жағдайда оқи алатын кітап бетінің сандары. Әрине асыруға болады, бірақ бекітілген саннан аз жасамау керек. Сонымен адам өзінің кіші «м»-ін, үлкен «М»-ін және «100%»-ін де біледі. Сылтау бітті. Тек әрекет жасау ғана қалды.
⠀
Ең бастысы - аз болса да, үздіксіз орындап, әдетке айналдыру. Алланың сүйікті амалы да осы болса керек.

https://t.me/almatzhai Ашу / Түсініктеме

2021-05-16 19:32:42 Адам туыла салып, бәрін өзі істеп кетсе, жануардан айырмашылығы болмас еді. Сол үшін адам баласы – айналасындағы кісілердің айтқаны мен істегенін қайталау арқылы үйренеді. Демек адам өз болмысын еліктеу [қайталау] арқылы ғана табады. Тек содан кейін барып, тұлға болып қалыптасады.
⠀
Тіпті жолға шығар болсақ, алдында барған кісіден сұраймыз. Сөйтіп сол кісінің айтқанына қарай қамданып, көрсеткен жолымен барамыз. Бұндай қайталауда қайыр бар. Өйткені жолдың қиындығы мен қауіпті жерін алдын-ала біліп отырамыз.
⠀
Бүгін бір кісінің өмірінен бір мысал беремін. Өзіңізге керекті қасиеттерін алып, іс жүзіне асырсаңыз болады. Қазекем айтпақшы: «Жақсыдан үйрен, жаманнан жирен». Ендеше қайталаудан ұялмаған жөн. Кеттік.
⠀
Бір досым күн сайын таңғы сағат 4:30-да тұрады. Тұра салып, 1 стақан су ішеді. Суық емес, жылы су. Ішкенде де отырып ішеді. Тұрып ішу – ішекке зиян екен.
⠀
Одан кейін дене шынықтыру жаттығуларын жасайды. Біраз терлеп, жуынып алады. Таңғы дұғаларын оқып, медитация жасайды. Осылайша бойы мен ойын жинақтап, кітап оқуға кіріседі.
⠀
6:30-да таңғы асын ішіп, жұмысына бет алады. 7:00 - 7:30 арасында жұмыс орнында, күнінің жоспарын жасайды. Алдын-ала маңызды жобаларға дайындалады. 9:00 болған сәтте жұмысқа кірісіп, бір минутын бос өткізбейді.
⠀
Жолда жүргенде құлағынан құлаққап түспейді. Әр уақыт өзіне керекті, пайдалы дүниелерді тыңдап, ой-түйіндерін «Notability» қосымшасына түртіп алады.
⠀
Кешкі асты әрдайым жанұясымен ішіп, сапалы уақыт өткізеді. Бірге отырып, кітап оқып, артынан бірге ойын ойнайды. Кейде бәрі кино көреді.
⠀
Жатар алдында күнінің анализін жасап, қорытындылайды. Шүкіршілік дәптерін толтырып, Алланың берген Нығметтерін ұмытпайды. Осылайша күні де, жасаған істері де берекелі болады.
⠀
Басындағы барлық ойы мен ертеңгі жасайтын істерін қағаз бетіне түсіреді. Осылай жасау арқылы, ұйқысының тыныш болатынын біледі. Сонымен қатар ертеңгі күнінің жоспарын да шығарған болады.
⠀
Ең жақсы қасиетінің бірі - 22:00-де жатып қалады. Ерте жату – ерте тұруына себепші. Ал ерте тұрған әйел мен еркектің несі артық екенін жақсы білесіз.
⠀
PS. Жоғарыда берілген мысалдан өзімізге көп үлгі шығаруға болады. Ерте тұру. Денсаулығына қарау. Өз ісін жақсы көру. Жасап жатқан ісін жақсы көру. Жоспарлы түрде жұмыс жасау. Бос уақытты пайдалы өткізу. Жанұясына көңіл бөлу. Босаңсу. Ұмытпас үшін ойларын жазып отыру. Шүкір ету. Кітап оқу. Ерте жату. Т.с.с.
⠀
Даму мен кемелдену жолындағы сапарымыз сәтті болсын!

https://t.me/almatzhai Ашу / Түсініктеме

2021-05-13 09:43:03 Бір лайфхак
⠀
Біз жоғалтып алған құндылықтар - дамыған елдердің көбінде бар. Соның бірі жанұяға берілген маңыздылық.
⠀
Бір ғана мысал бере кетейін.
⠀
Қызым Гарвард университеті мен MIT’дің ортасында орналасқан бастауыш мектебінде оқыды.
⠀
“Kennedy-LongFellow School” мектебіне алғаш бірінші сыныбына барды. Бірінші күні қызым жылап қалмай қойды. Сөйтіп жүрегім шыдамай алып кетіп бара жатсам, апайы: “Бұндай бірінші кезде болады негізі! Ренжімеңіз, біз бір нәрсе ойластырамыз” - деп қалды.
⠀
[Бір сыныпта бір мұғалім, бір көмекші және сынып тысында үлгере алмай жатқан балаларға тағы бір мұғалім отырады. Тысында отыру себебі: оқушы басқа балалардың алдында ұялмай, білмегенін тез үйренеді!]
⠀
Не керек, 2-3 сағаттан кейін апайы хабарласып: “Психолог, Директор және Завучпен ақылдастық. Ертең балаңызды шамалы ертерек әкеле аласыз ба?” - деп өтініш білдірді.
⠀
Ертеңіне шамалы кешігіп бардық. Барсақ апайы мен бүлдіршіндер бірге күтіп алды. Қолдарында Інжуге арнайы жасалған плакат. Бәрі құшақтап, ойнап сыныбына алды да кетті.
⠀
Сол күннен бастап, біздің қыз Сенбі күндердің өзінде мектепке барғысы кеп тұратын болды. Сабақ жоқ десек “Ойййй” - деп көңілі түсетін.
⠀
Ал енді, қызығы үй тапсырмалары өте оңай болатын. Соның ішінде анаңмен бір күн, әкеңмен бір күн және бүкіл жанұяңмен бір күн (жанұя куні жексенбі) бір іс-шараларға қатысу керек.
⠀
Яғни жанұяңмен сапалы уақыт өткізу ғой.
⠀
Ол үшін біз тұрып жатқан қаланың жасайтын апталық тегін әрі пайдалы іс-шараларының тізімін беретін. Сол жерден қалағанымызды таңдаймыз. Және баламен бірге барып, сапалы уақыт өткіземіз. Бұл үй жұмысы!
⠀
Жалпы жанұя іс-шаралары өте көп және көбі тегін. Сол секілді Гарвардтың өзі осындай құндылықтарға қатты көңіл бөледі! Өйткені отан отбасынан құралады. Қоғамды қалыптастыратын, тәрбие ошағы - ЖАНҰЯ!
⠀
PS. Қазір Алматы қаласындамыз. Жексенбі күнін Жанұя күні деп алғанбыз. Ол күні достармен кездесу, жұмыс, бизнес, қонақ күту ЖОҚ. Тек жанұямен сапалы уақыт өткізу.

https://t.me/almatzhai Ашу / Түсініктеме

2021-05-12 13:46:44 Бүгін сізді біраз демалдыру әрі қызықтыру мақсатында, бір әңгіме айтып берейін. Өз ісіне ғашық бір кісі туралы.
⠀
Бұл әңгіме әйгілі ұстаз - Рон Кларк жайлы болмақ. “Ұстаздық еткен жалықпас, Үйретуден балаға” сөзін - өмірімен көрсеткен адам.
⠀
Рон Кларк 1972 жылы туылған. АҚШ-та мұғалім болып жұмыс істейді. Солтүстік Каролина Шығыс университетінде білім алған.
⠀
Оның арманы мұғалім болу еді. Арманы орындалып, мұғалім болып орта мектепке келеді. Оған берілген сыныптың оқушылары тентектердің нағыз өзі еді.
⠀
Оқушылардың үлгерімі өте төмен, басқа мұғалімдер шыдай алмай қашатын болған. Ал отбасыларының әлеуметтік жағдайы болса нашар.
⠀
Ол оқушыларды бір көргеннен-ақ өзіне деген сенімдерін арттыруды қолға алады. Ол үшін көптеген әдістер қолданады. Соның бірі - бағаны көтеріп қою еді. Ал бұл әдіс - оқушының өзіне деген сенімі мен ынтасын арттырып, білім алуына ықпал ететінін тәжірибемен түсінген болатын.
⠀
Рон мектептен тыс, олардың жеке өмірлерін де жақсартуды көздеді. Бұл оны шабыттандыратын еді. Қатты ауырып тұрса да, балаларымен бірге болуды қалайтын.
⠀
Бұлардан адам болмайды деген сыныптың балалары - Ронның арқасында өмірден өз орындарын тапқан еді. Бір адам қанша адамның өміріне әсер еткенін қараңызшы!
⠀
Рон ұстаз әлі күнге дейін сабақ береді. Бірнеше бестселлер кітап та жазып тастаған. Кітаптан түскен табыстың 3,5 миллион долларын мектеп жобасына салады.
⠀
Сөйтіп 2007 жылы ол Шығыс Атлантада "Рон Кларк Академиясы" деген мектеп ашады. Бұл академияда әлеуметтік жағдайы төмен отбасылардың да, байлардың да баласы тәлім алады.
⠀
Академия оқушыларының білім көрсеткіші өте жоғары. Рон оқушыларына әрқашан шабыт беріп отырады. Ол балаларға сенім артып, еш қысым жасамайды. Балаларды жақсы көріп, жақсы жаққа өзгеруіне көмектесіп отырады.
⠀
Ең бастысы балалар мектепті қатты жақсы көреді, және оқу процесін де ұнатады.
⠀
Ол жердегі мұғалімдер де бақытты. Айлықтары да жоғары. Бүкіл жағдайлар жасалған.
⠀
Рон Кларк академиясы оқушыларымен әртүрлі елдерге сапар жасап отырады. Өйткені сапар - баланың көкжиегін кеңейтіп, өмірге деген көз қарасын өзгертеді.
⠀
Рон - Нағыз өз ісіне ғашық адам!
⠀
Шын өмірден алынған осындай мысалдардың пайдасы көп. Мен осындай әңгімелерден көп дәріс шығарамын.
⠀
Рон Кларк өміріне байланысты керемет бір фильм түсірілген. Жанұямен отырып көруге болады. “История Рона Кларка” (The Ron Clark Story) деп аталады. Кеңес беремін.
⠀
PS. Ыбырай Алтынсарин жайлы керемет бір фильм болса ғой деген арманым бар.
⠀
https://t.me/almatzhai Ашу / Түсініктеме