Мақсатыңыз бар ма? ⠀ [Жетістікке жетелер мақсат қоя білу өнері | Алмат Жайлаубаев
Мақсатыңыз бар ма?
⠀
[Жетістікке жетелер мақсат қоя білу өнері]
⠀
Уикипедияда мақсатты былай сипаттаған екен: «белгілі бір межеге қол жеткізуге бағытталған әрекеттің ой-санадағы көрінісі».
⠀
Демек, діттеген мақсатымызға жету үшін әрекет етуіміз керек. Әйтпесе ой-санадағы көрініс болып қала береді.
⠀
Егер өмірлік мақсатыңыз болмаса, бірден табуға тырысыңыз.
⠀
Тіпті бұл өмірде не істеріңізді білмей жүрсеңіз, ең болмағанда, не қалайтыныңызды, не істегіңіз келетінін табу жолында мақсатыңыз болсын. Қандай болса да, әйтеуір мақсатсыз жүруден жақсы.
⠀
Қол қусырып, келешекте “бәрі жақсы болады” - деп, құр үміттеніп отырмас үшін, өзімізге МАҚСАТ қоюымыз қажет. Өйткені әрекетсіз құр үміт – шешім емес!
⠀
Өткен мақаламдағы «Алғырдың 6 қасиетін» [https://t.me/almatzhai/88] бойыңызға сіңіріп, 8 қадамда табысқа жетуге көмектесетін мақсат қоюдың әдістерін үйреніңіз.
⠀
8 күн бойы біртіндеп, жазып отырамын. Бірге болыңыз.
⠀
Ал біріншісін бүгін бастайық. Кеттік.
⠀
1. Мақсатыңызды белгілеп алыңыз.
⠀
Мақсат қоярдың алдында, көш жүре түзелетінін естен шығармаңыз. Процесті қиындатпай, керісінше оңайлатыңыз. Мақсат қою біз ойлағандай аса қиын емес.
⠀
Жасағыңыз келетін бір нәрсе жайында ойлайсыз да, соны іс жүзіне асыруға бел байлайсыз. Бар болғаны осы. Бірақ қағаз бетіне түсіруді ұмытпаңыз.
⠀
Эверест шыңын алғаш бағындырған Эдмунд Хиллари не дейтінін қараңыз:
⠀
«Белгілі бір істерді жасау үшін және бәсекеде алда болу үшін «Супер Герой» болудың қажеті жоқ. Қарапайым бір пенде болсаңыз жеткілікті. Тек биік мақсаттарды бағындыру үшін жеткілікті мотивацияңыздың болуы шарт.»
⠀
Жалғасы ертең.
⠀
Даму мен кемелдену жолындағы сапарымыз сәтті болсын!