АҚША - МИКРОСКОП ⠀ Ақша – микроскоп сияқты. Түпсананың түбінде | Алмат Жайлаубаев

АҚША - МИКРОСКОП
⠀
Ақша – микроскоп сияқты. Түпсананың түбінде не жатқанын көрсетеді. Адамның шынайы жүзі күн бетіне шығады. Мысалы ақша көбейсе кей адамдар ашына [любовница] тауып, екінші әйел алып, құтыра бастайды. Демек ол адамның түпсанасында әйелқұмарлық жатқан.
⠀
Кейбіреуде тәкаппарлық пайда болады. Негізі пайда болмайды, ол оның түпсанасында бар болатын, тек ақша сол нәрсені қоздырады. Ал басқа кісіде жомарттық, шүкіршілік, мейірімділік арта бастайды.
⠀
Сондықтан түпсанаңыздың түбінде не жатқанын біліп алу керек. Бұл оңай шаруа емес. Өйткені ата-ана, туысқан, достар мен айналамыздың, онымен қоса көрген мультфильм мен кинолардың миға әбден сіңіріп, тастай қатырған бұрыс нәрселерін тауып, оларды дұрыс жаққа өзгерту керек. Кәдімгідей қан мен тер.
⠀
Негізі барлық бәле ақшада дейді. Дұрыс емес. Барлық бәле ақшаны құдайдай сүйгеннен шығады. Ақшаға тек ақша ретінде қарай білу керек. Әрине ақшаның көп болғаны жақсы.
Сол себепті ақшаға деген қарым-қатынасты біліп алған жөн. Әйтпесе өз түпсанамыздан таяқ жеп жүреміз.
⠀
Адамдардың 95 пайызында ақшаға деген құштарлық бар. Сондықтан мақсаттары көп ақша табу болып кеткен. Негізгі мақсат - өз сүйген ісімен айналысу болу керек қой. Ақша болса сол мақсатқа жетудің құралы. Яғни ақша дегеніміз ат. Оны тізгіндеп, мініп алу қажет. Сөйтіп әлгі мақсатқа қарай шаба жөнелеміз.
⠀
Әрдайым проблеманың көрінбейтін жағына мән беру керек. Көрінбейтін жағы – ол біздің түпсанамыз. Тоғыз сөздің тобықтай түйіні түпсанаңызбен жұмыс жасаңыз.

https://t.me/almatzhai