2023-04-30 04:07:42
Үтүө
.
.
Уруу малааһынын сиэрэ-туома.
.
Билиҥҥи туругунан ахсынньы ыйга дылы уруу малааһыннарын сиэрин ситэрэргэ,туомун толорорго, күн ахсын сэлэспэ нөҥүө кэпсэтэн эрдэттэн үлэһэллэр. Үөрүүнү кытта тэллэх саҕа сурунарбар күөҕүнэн сурунан иһэбин.
Субу сүүрбэччэ сыл иһгэр төһөлөөх элбэх дьоро киэһээлэри алҕаабытым эбитэ буолла? Биир ыалга үс оҕолорун үһүөннэрин, дьоллоох дьоро түгэннэрин, урууларын алҕаабыппыттан олуһун үөрэбин. Бэйэтэ туспа улахан ситиһии дии саныыбын! Оннук ылынабын! Суолталыыбын!
.
Үтүө Холмумтаммын кытта тыаһаан-ууһаан уруу буолар түһүлгэтигэр дьоһуннаахтык үктэнэн киирэн кэлэрбитин олус сөбүлүүбүт. Санаабар холумтаным үөрэн ымманыйарга дылы гынар ээ. Үтүө Холумтаммар уот оттон, маҥан сылгы сиэлинэн күөмэй тутан, кэҥэрдии сытын таһаардахпына тулабыт тута тупса түһэр. Таптаһар сүрэхтэр, эдэркээн КЫЫСТААХ УОЛ дьоллорун холбуур үтүө түгэннэрэ айылҕа араас дьүһүнэнэн тырымныы сандаарага дылы буолар. Үтүө Холумтаным кытыастар уотуттан кыым саҕан ЭДЭРДЭРИ күн эргииринэн эргийэ сылдьан арчыланыы сиэрин ситэрэбит,туомун толоробут.
.
Ыраахтан-чугастан чуоҕуһан кэлбит ыҥырыылаах ыалдьыттар, доҕоттор атастар, аймахтар уруулар, бука бары ураты турукка киирэн, харахтара уоттанан, оҕолуу истиҥник үөрэн-көтөн уруйдууллара -айхаллыыллара бэйэтэ үтүө көстүү.
.
.
Биир үтүө түгэни сэгэтиим. Урууларын алҕатыан баҕалаах дьонум урууларын күн алгыска иллэҥэ суохпун билэннэр урууларын күнүн көһөрөн соһутан турадаахтар. Ол курдук үс бүк үөрэн туран, өрө көтөҕүллэн алҕаабыппын олох умнубаппын.
.
.
Уруу малааһыннарын ааһан ЫТЫК СААСКА, ААН ДАРХАН СААСКА ыҥыран алҕаталларыттан олус астынабын, дуоһуйабын. Эбээҕэ улааппыт оҕо буоламмын олус чугастык ылынабын.
.
.
Бэс ыйын маҥнайгы күннэриттэн УРУУ малааһыннара саҕаланаллар.
Үрүҥ күммүт анныгар, күн эргииринэн, илиибит иһинэн, оргууй-наллаан, сэрэнэн-сэрбэнэн сиэллэрэн истэхпит буоллун. #алгысачыырап
.
.
ИДЭБИН ОЛУС СӨБҮЛҮҮБҮН
#алгысачыырап
https://www.instagram.com/p/Crn9CLHtrBI/?igshid=MDJmNzVkMjY=
145 viewsАлгыс Ачыырап, 01:07