Үтүө . . 1999 сыл.30-с Үбүлүөйдээх хаачыстыбанньыттар сүлүөттэ | АЛГЫС АЧЫЫРАП

Үтүө
.
.
1999 сыл.30-с Үбүлүөйдээх хаачыстыбанньыттар сүлүөттэрэ.Н.Е.Мординов аатынан Харбалаахтааҕы орто оскуола.
.
.
Бу көрөр хаартыскаҕыт туһунан кыратык сэгэтэн кэпсиим.Болҕойон ааҕарга бэлэмнэн,баҕар наһаа  күлүөҕүн,ол эрэн баары баарынан суруйабын.
.
.
Көрөргүт курдук Битээлий уол саҥардыы ыллыырга холоно сылдьар.Киэҥ да киэҥ ыстаан,ону тэҥэ Күн Ийэм муодунай пиджага.:-))) Араас тэрээһиннэргэ ыллата ыҥырдахтарына наһаа да үөрэрим.-Эбээ,Эбээ мин бүгүн ыллыыр үһүбүн дии дии дьоллонон,көтөн-дайан киирэрбин Эбээ Люба өрүү ахтара,хойукка диэри истиҥ кэпсээн оҥосторо.Ыллыы барыахтаах киһи дьиэ ис-тас үлэтин түргэн үлүгэрдик өрө тардан,ынахтарбын-сүөһүлэрбин оннуларын булларан,суунан-тараанан,хотонум сытын "ШИПР" одьукулуонунан баттатан баран сырдык уотунан сандаарар кулууб дьиэҕэ эрэпэтииссийэҕэ ойорум.))) Субуллар лиэнтэ кассетабын сүрэхпэр чугастык тутан,сылааспынан угуттаан  кулуубум аанын аргыый сэгэтэн киирэрбин наһаа күндүтүк саныыбын.Оо,Харбааҕым кулууба үчүгэйииин.))) Бэлэмнэнии үгэнэ.Биир биир тахсан ыллаан көрөбүт.Сценаҕа хайдах туттан-хаптан ыллыахтаахпытын сүбэлииллэр,ыйаллар кэрдэллэр.Бэлэмнэнии түмүгэр сырдык пиджак кэттэххинэ силигин ситэр диэн буолла.Дьэ доҕооор, дьиэбэр тиийэн Эбээм хоппотун үрэйии,үөһээ-аллараа тутуу.Ол сылдьан Ийэм муодунай пиджагар таба тайанным.Кэтэн көрдүм,сөп курдук.Муусукабын "ТОМЬ" магнитафоммар холбоон баран,бэлэмнэнии быһыытынан сиэркилэ иннигэр төттөрү-таары хаамыы,муусука тэтимигэр уйдаран соччото суохтук хамсаныы:-))) Сиэркилэм сиигирэн,паар буолан маҥхайыар диэри дэлби буһуу-хатыы.))) Үҥкүлүү туран пиджагым бээтинэлээҕин таба көрөн,өр толкуйдуу барбакка таҥас сууйтарар массыынаҕа уган эрийтэрии.Сарсыныгар туора маара барбыт подплечникарын көннөрүү,биир сиэҕэ уһаабыт,биир сиэҕэ кылгаабыт,кыратык сииктээх пиджагы кэтэн баран сырдык уотунан сандаарар кулууб дьиэҕэ ойуу:-)
.
.
#алгысачыырап