Биир дойдулаахпыт 'Үлэ Кыһыл Знамята','Бочуот Знага' уордьанна | АЛГЫС АЧЫЫРАП
Биир дойдулаахпыт "Үлэ Кыһыл Знамята","Бочуот Знага" уордьаннардаах ,Саха өрөспүүбүлүкэтин тыатын хаһаайыстыбатын үтүөлээх үлэһитэ,Таатта улууһун бочуоттаах олохтооҕо,энтузиаст,бырааттыы Мординовтар ааттарын сүгэр музейы тэрийбит Николай Фхдорович Львов төрөөбүтэ 83сыла.Николай Фёдорович эдэр эрдэҕиттэн үлэни өрө туппут үлэһит киһи.Ханнык баҕарар ыарахан үлэҕэ ылсыбытын иһин онтон кыайыылаах тахсар звеневод,биригэдьиир,управляющай,совхоз дириэктэрэ диэн кини этэ.Бэйэтэ илиитинэн тутан-хабан ылсан үлэлиирин сөбүлүүрэ,астынара.Бочуоттаах сынньалаҥҥа тахсан баран үйэтитиигэ ылсан үлэлээбитэ.Ол курдук,нэһилиэк олоҕун сэргэхситэн олохтоох телестудияны үлэлэппитэ.Нэһилиэкпитигэр кэлэр ыалдьыттары хайаан да ыҥыран, телевидение нөҥүө киэн эйгэҕэ таһаарара.Быыбар бириэмэтигэр сэргэхсийиини оҥороро,хас биирдии кандидаты анаан ыҥырара,былааннарын,программаларын сиһилии кэпсэтэрэ.Кыһынын күннээҕи кыраадыһы сарсыарда аайы көрдөрөрө.Республика,улуус сонуннарын кыргыттара Лена,Лия киһи эрэ истэ олоруох курдук сэһэргииллэрэ.1993 сыллаахха сахалартан бастакы философскай наука кандидата,профессор ,СГУ бастакы ректора ,биир дойдулаахпыт Авксентий Егорович Мординов "Таатта" хаһыакка таһаарбыт ыстатыйатыгар "Кэскиллээх норуот бэйэтин кэрэхсэбиллээх дьоннорун кэриэстиир"диэн этиитин Николай Фёдорович сүрэҕэр-быарыгар түһэрэн дириҥник өйдөөбүт. Биһиги нэһилиэкпитигэр төрөөн ааспыт үс бырааттыы Мординовтарга анаан музей тэрийэргэ былааннаммыт.1997с.Мординовтар кыстыктарыгар Хоптолооххо туох да суох сиригэр хотонноох балаҕан тутуутун саҕалыыр.Манна балаҕан баҕаналарын хаһарга уола Ваня көмөлөһөр,оччолорго оскуола үөрэнээччитэ.1998 сыллаахха музей көрөөччүлэргэ аанаан арыллыбыта.Николай Фёдорович бу курдук улахан үлэни үс бырааттыы Мординовтарга-Саха норуодунай суруйааччыта Николай Егорович Мординов,сахалартан бастакы философскай наука доктора,профессор,СГУ бастакы ректора Авксентий Егорович Мординов,Саха АССР оскуолаларын үтүөлээх учуутала Трофим Егорович Мординов ааттарын үйэтитиигэ улахан үлэни оҥорон барда.
